રાષ્ટ્રીય રાજધાની દિલ્હીમાં, પોલીસે એક એવી વ્યક્તિની ધરપકડ કરી છે જેણે નજીવી બાબતે એક યુવકની ચાકુ મારીને હત્યા કરી હતી. અધિકારીઓએ સોમવારે આ ઘટનાની જાણકારી આપી. એજન્સી અનુસાર, ડેપ્યુટી કમિશનર ઓફ પોલીસ (ઉત્તર-પૂર્વ) જોય તિર્કીએ કહ્યું, "અમને 20 જુલાઈના રોજ ગોકુલપુરી ફ્લાયઓવર પાસે હત્યાની માહિતી મળી હતી."
પોલીસ કમિશનરે વધુમાં જણાવ્યું હતું કે પોલીસ ઘટનાસ્થળે પહોંચી હતી અને 18 વર્ષના છોકરાની છાતી પર છરીના ઘા સાથે મૃત હાલતમાં મળી આવ્યો હતો. મૃતકની ઓળખ દિલશાન તરીકે થઈ છે, જે વ્યવસાયે સુથાર હતો."
કેસમાં એકની ધરપકડ
અધિકારીએ વધુમાં જણાવ્યું હતું કે આરોપીઓને પકડવા માટે ચાર અલગ-અલગ ટીમો બનાવવામાં આવી હતી. ડીસીપીએ કહ્યું કે અમારી ટીમે દીપક નામના 22 વર્ષના યુવકની ધરપકડ કરી છે, જેનો ગુનાહિત રેકોર્ડ છે અને તે થોડા દિવસો પહેલા જ જામીન પર બહાર આવ્યો હતો. તેણે પોલીસને જણાવ્યું કે જ્યારે તે બંને રોડ ક્રોસ કરી રહ્યા હતા ત્યારે દિલશાન તેની સાથે અથડાઈ ગયો અને તેમની વચ્ચે બોલાચાલી થઈ.
પોલીસના જણાવ્યા અનુસાર ગુસ્સામાં દીપકે છરી કાઢી અને દિલશાનની છાતીમાં ઘા મારીને ઘટનાસ્થળેથી ભાગી ગયો. ડીસીપી તિર્કીએ કહ્યું કે અમે હત્યામાં વપરાયેલ હથિયાર કબજે કરી લીધું છે અને વધુ તપાસ ચાલી રહી છે.