દિલ્હી સરકારે 13 વર્ષ બાદ પ્રદૂષણ તપાસના દરમાં સુધારો કર્યો છે. વાહનો માટે નક્કી કરાયેલા નવા પ્રદૂષણ તપાસ દરોમાં પેટ્રોલ, સીએનજી અથવા એલપીજી (બાયો-ફ્યુઅલ સહિત) ટુ-વ્હીલર અને થ્રી-વ્હીલર માટે 80 રૂપિયા ચૂકવવા પડશે.
જ્યારે પેટ્રોલ, સીએનજી અથવા એલપીજી (બાયો ફ્યુઅલ સહિત) ફોર વ્હીલર અને તેનાથી વધુ કેટેગરી માટે 110 રૂપિયા ચૂકવવા પડશે. આ સિવાય ડીઝલથી ચાલતા વાહનો માટે 140 રૂપિયાનો દર નક્કી કરવામાં આવ્યો છે.
2011માં, આ દરો અનુક્રમે રૂ. 60, રૂ. 80 અને રૂ. 100 હતા. અગાઉ, 2005માં દરોમાં સુધારો કરીને અનુક્રમે રૂ. 35, રૂ. 45 અને રૂ. 60 કરવામાં આવ્યા હતા.
તમને જણાવી દઈએ કે પ્રદૂષણ ફેલાવતા વાહનો પર નજર રાખવા માટે, દિલ્હીના પરિવહન વિભાગ દ્વારા સમયાંતરે પ્રદૂષણ નિયંત્રણ (PUC) પ્રમાણપત્રોની તપાસ કરવામાં આવે છે. દિલ્હીમાં માન્ય PUC પ્રમાણપત્ર ન હોવા પર 10,000 રૂપિયાનો દંડ થઈ શકે છે.