5 કલાક સુધી પડી રહી હતી 'ડેડ બોડી'... માહિતી મળતાં પોલીસ પહોંચી તળાવના કિનારે, બહાર કાઢ્યો તો વ્યક્તિ જીવતો બહાર આવ્યો, કહ્યું- ગરમીથી પરેશાન હતો

તેલંગાણાના હનુમાકોંડા જિલ્લામાંથી એક અનોખા કેસનો વીડિયો સામે આવ્યો છે. રેડ્ડીપુરમ પોલીસને માહિતી મળી હતી કે લગભગ 8 કલાક સુધી તળાવના પાણીમાં એક વ્યક્તિની લાશ તરતી જોવા મળી હતી. જ્યારે પોલીસે સ્થળ પર પહોંચીને સ્થાનિક લોકોની હાજરીમાં વ્યક્તિને પાણીમાંથી બહાર કાઢ્યો ત્યારે તે અચાનક ઊભો થઈ ગયો. આ જોઈને પોલીસ અને સ્થાનિક લોકો સ્તબ્ધ થઈ ગયા હતા.

આ કિસ્સો જિલ્લાના કોવેલકુંટાના રેડ્ડીપુરમનો છે. મંગળવારે સવારે 7 થી 12 વાગ્યાની વચ્ચે એક વ્યક્તિ પાણીમાં પડેલો જોવા મળ્યો હતો.

આ જોઈને સ્થાનિક લોકોએ પોલીસ અને ઈમરજન્સી નંબર 108ને ફોન કર્યો. પાણીમાં ન્હાવા ગયેલા વ્યક્તિનું મોત થયું હોય તેવું લાગી રહ્યું હતું.

માહિતી મળતા જ પોલીસ ઘટનાસ્થળે પહોંચી ગઈ હતી. પરંતુ જ્યારે આ માણસને પાણીમાંથી બહાર કાઢવામાં આવ્યો ત્યારે પોલીસ અને ઈમરજન્સી સર્વિસના કર્મચારીઓ એ જોઈને ચોંકી ગયા હતા કે તે માણસ જીવતો હતો. જુઓ વીડિયોઃ-

આ વ્યક્તિની ઓળખ નેલ્લોર જિલ્લાના કાવલીના રહેવાસી તરીકે થઈ હતી. તેણે પોલીસને જણાવ્યું કે તે છેલ્લા 10 દિવસથી ગ્રેનાઈટ ખાણમાં સખત ગરમીમાં દરરોજ 12 કલાક કામ કરતો હતો, તેથી તે તેના શરીરને ઠંડુ કરવા અને આરામ કરવા માટે પાણીમાં તરતો હતો.