પંજાબમાં AAP સરકારનો જનતાને આંચકો, પેટ્રોલ અને ડીઝલ પર વેટ વધારવાની જાહેરાત, વીજળી સબસિડીમાં પણ ઘટાડો!

પંજાબમાં આમ આદમી પાર્ટીની સરકારે લોકોને મોટો ઝટકો આપ્યો છે. પંજાબ સરકારે પેટ્રોલ અને ડીઝલ પર વેલ્યુ એડેડ ટેક્સ (વેટ) વધાર્યો છે. ભગવંત માનની સરકારે પેટ્રોલ પર વેટમાં 61 પૈસા અને ડીઝલ પર 92 પૈસાનો વધારો કર્યો છે. આવક વધારવા માટે સરકારે આ પગલું ભર્યું છે.

આ સિવાય કેબિનેટની બેઠકમાં નિર્ણય લેવામાં આવ્યો છે કે સરકારે 7 કિલો વોટ સુધીના 600 યુનિટ સુધીના વીજળી કનેક્શન પરની સબસિડી પણ નાબૂદ કરી છે. તે યુનિટ દીઠ ત્રણ રૂપિયા હતો. જેના કારણે લોકોને મોટા પાયે અસર થશે.

પંજાબ કેબિનેટની બેઠક બાદ નાણાં મંત્રી હરપાલ ચીમાએ આ અંગેની માહિતી આપી છે. તેમણે કહ્યું કે વેટ વધારવાથી ડીઝલ પર 395 કરોડ રૂપિયા અને પેટ્રોલ પર 150 કરોડ રૂપિયાની આવક થશે. વેટમાં વધારાની સાથે હરપાલ ચીમાએ દલીલ કરી હતી કે આ વધારા પછી પણ હિમાચલ, રાજસ્થાન અને હરિયાણા કરતાં પંજાબમાં પેટ્રોલ અને ડીઝલ પર વેટ ઓછો છે.