સેન્ટ્રલ બ્યુરો ઓફ ઇન્વેસ્ટિગેશન (CBI) એ નેશનલ બિલ્ડીંગ કન્સ્ટ્રક્શન કોર્પોરેશન (NBCC) ના DGMની લાંચ લેવાના આરોપમાં ધરપકડ કરી છે. આરોપી DGM વરુણ પોપલી લદ્દાખના લેહમાં પોસ્ટેડ છે.
સીબીઆઈએ ડીજીએમ પોપલીને લાંચ લેતા રંગે હાથે ઝડપ્યા છે. 5 લાખની લાંચની રકમ લેવા તે દિલ્હી આવ્યો હતો, જ્યાં CBIએ છટકું ગોઠવીને તેની ધરપકડ કરી હતી.
અહેવાલો અનુસાર, લદ્દાખમાં તૈનાત આરોપી ડીજીએમ પોપલીએ લદ્દાખ પ્રોજેક્ટ સાથે જોડાયેલા કોન્ટ્રાક્ટર પાસેથી કથિત રીતે 11 લાખ રૂપિયાની માંગણી કરી હતી. લાંચની આ રકમમાંથી 5 લાખ રૂપિયા લેવા માટે તે દિલ્હી આવ્યો હતો, જ્યાં તેની ધરપકડ કરવામાં આવી હતી.
પોપલીએ પૂછપરછ દરમિયાન જણાવ્યું કે તેણે લાંચ લીધી હતી. તમને જણાવી દઈએ કે NBCC વાસ્તવમાં સેન્ટ્રલ પબ્લિક સેક્ટર એન્ટરપ્રાઇઝ છે.